mardi 17 octobre 2017
كلام ناس بكري
كلام ناس بكري كلو حكم
ﺇﻟﻲ ﻋﻴﻨﻮ ﻓﻲ ﺍﻟﺤﻮﺕ ﻳﻄﻮّﻝ ﻓﻲ ﺍﻟﺼﻨﺎﺭﺓ... ﻭﺇﻟﻲ
ﻋﻴﻨﻮ ﻓﻲ ﺍﻟﻠﺤﻢ ﻳﺼﻮﺣﺐ ﺍﻟﺠﺰّﺍﺭﺓ...
ﻭﺍﻟﺮﺍﺟﻞ ﺭﺍﺟﻞ ﻟﻮ ﻛﺎﻥ ﻳﻠﺒﺴﻮﻩ ﺷﻜﺎﺭﺓ... ﻭ ﺍﻟﺮﺧﻴﺺ
ﺭﺧﻴﺺ ﻭ ﻟﻮ ﻛﺎﻥ ﻳﺮﻛﺒﻮﻩ ﻃﻴّﺎﺭﺓ...
ﺇﻟﻲ ﻓﺎﺗﻚ ﺑﺎﻟﺰﻳﻦ ﻓﻮﺗﻮ ﺑﺎﻟﻨﻈﺎﻓﺔ ... ﻭﺇﻟﻲ ﻓﺎﺗﻚ
ﺑﺎﻟﻔﻬﺎﻣﺔ ﻓﻮﺗﻮ ﺑﺎﻟﻈﺮﺍﻓﺔ...
ﺇﻟﻲ ﺣَﺒِﻚْ ﺣِﺒُﻮ ﻣﺎ ﺗﻔﺮﻃﺸﻲ ﻓﻴﻪ...ﻭﺇﻟﻲ ﺑَﺎﻋِﻚْ ﺑﻴﻌﻮ
ﻭﻣﺎ ﺗﺴﺄﻟﺸﻲ ﻋﻠﻴﻪ ... ﻭ ﺇﻟﻲ ﻳَﺮﻳﺪﻙ ﺭﻳﺪﻩ، ﻭﺍﻟﻠّﻲ
ﻳﺒﻐﻈﻚ ﺯﻳﺪﻩ...
ﻻﺯﻣﻚ ﺗﻌﺮﻑ ﺇﻧﻮ ... ﺇﻟﻲ ﻣﺎ ﺗﻌﺮﻓﺶ ﺗﺸﻄﺢ ﺍﺗﻘﻮﻝ
ﺍﻻﺭﺽ ﻋﻮﺟﻪ ... ﻭﺇﻟﻲ ﻣﺎ ﻳﺨﻠﻄﺶ ﻋﻠﻰ ﺍﻟﻌﻨﺒﺔ
ﺇﻳﻘﻮﻝ ﻗﺎﺭﺻﻪ ...
ﺇﻟﻲ ﻳﻌﺸﻖ ﻳﻌﺸﻖ ﺍﻟﺴَﻤﺢْ ﻭﺇﻟﻲ ﻳَﺰﺭﻉ ﻳﺰﺭﻉ ﺍﻟﻘﻤﺢ
... ﺍﻟﻘﻤﺢ ﺃﺯﺭﻋﻮ ﻭ ﺍﻟﺮﻳﺢ ﻳﺠﻴﺐ ﻏﺒﺎﺭُﻭ... ﻭﺍﻟﻘﻠﺐ ﺇﺫﺍ
ﻛﺎﻥ ﻣﻬﻤﻮﻡ، ﺍﻟﻮﺟﻪ ﻳﻌﻄﻴﻚ ﺃﺧﺒﺎﺭﻭ ...
ﻻ ﺗﻠﺒﺲ ﺣﺎﺟﺔ ﻣﻮﺵ ﻗﺪﻙ... ﻭ ﻻ ﺣﺎﺟﺔ ﻓﺎﺭﻏﺔ ﺗﻨﺪﺏ
ﺣﻈّﻚ... ﺧﺎﻃﺮ ﻣﺎ ﻳﺤﻜّﻠﻚ ﻏﻴﺮ ﻇﻔﺮﻙ... ﻭﻣﺎ ﻳِﺒﻜﻴﻠﻚ
ﻏﻴﺮ ﺷﻔْﺮﻙ... ﻭﻣﺎ ﻳﻮﻛﻠﻚ ﻓﻲ ﺍﻟﻌﻴﺶ ﻛﺎﻥ ﺍﺻﺒﺎﻋﻚ
ﻭﻣﺎ ﻳﻄﻠﻌﻚ ﻣﻦ ﺍﻟﻀﻴﻢ ﻛﺎﻥ ﺫﺭﺍﻋﻚ
كان الخو يحن على خوه ما يبكي حد على بوه
والله لا يخلي حد ل حد
